| Profiel van Msالبحرينيه*~* Pink GiRl *...WeblogLijstenNetwerk |  Extra  Help |
|
|
29 augustus النتايجاليوم كنت رايحه بيت رفيجتي الا تقول لي نتايج الجامعه طلعوا
وانا انصدمت لاني كنت خايفه من النتائج
قالت لي يلسي على الكمبيوتر طلعي نتيجتك قلت لها لا مو حابه اشوفهم
طلعنا مع بعض ورحنا حق صديقتنا الثانيه ويلسنا معاها وبعدين رديت البيت بسرعه كنت احاتي وعلى طول ايلس بالكمبيوتر افتح موقع الجامعه
الحمد لله نجحنا بس ماكنت متوقعه النتيجه جذي كنت تاعبه نفسي بامتحانات المدتيرم حتى اييب علامات عاليه واخر الشي بالفاينل تصيدني ضروف وعفست كل شي
المهم الحمد لله على كل شي
28 augustus عـــــــــــــدنا (سبـ تــوووون ـيس )قناة شباب المستقبلرديت الى سبيسي بعد سبوع من غيابي بسبب الامتحانات
الحمد لله عده الاسبوع على خير ومازال الانتظار جاري لنتائج
 واشتغلت في هذي الاسبوع بشغلة المحقق كنان17 augustus زاد شوقيوش قصتك
يا شوق اتعبتني منك زاد نبض القلب وتاهت اخباره ما حسبتك يا شوق فيه تعاتبني يا هاجس ما حسبت له حساب تمرد في خافقي بالتوله ضيعني من افكاري وبكاني اتوه في ليله واشقاني يا بحر شوق ما عليه اقدر عالية امواجه كل ما جيت اعبر تكسرت مجاديفي آه يا قلبي زاد فيك الشوق ومن كثر شوقك ما عدت اصبر مادريت بحالي يا بعيد انظر غرقانه بدموعي احاكيها وتحاكيني ما دريت ان عذاب الشوق يسري بي في مسافاتك بجسمى مثل مسرى دم بعروقي ويشقيني آه يا قلبي ما دريت اني في يوم بتعذب من كثر حبي حبيبي ما دريت انه في بعادك الثانيه تصير عندي دهر ما دريت انه الشوق لجلك بيكسر كل ما فيني اه من عذاب الشوق آه من حنيني وعبرات عيني حبيبي ما تحملت بعادك وعيا الصبر يجاريني هذا الليل اللي اقبل احسه يكتم على صدري واحس الكون كله ما يساوي شي بدونك واحس بضيقه تخنق انفاسي واحس بحيرة تسرق بسمة اشفاهي ودمعاتي تخنقني من حرها تحرق اواجاني حبيبي الشوق هد كياني كل ما اقول يا قلب اصبر فيك تخاصمني الروح تقول وانا شلي عنه يصبرني كل ما اقول يا دمع يكفيك قال وين اللي بشوفه يسكني يا ليت لو دموعي حبيبي تخفف من بعض شوقي واحزاني كان ارتاح قلبي لو ثواني تعبت احتريك وانتظاري صار ابد ماله نهاية واخر اصبر نفسي وانا من داخلى اموت واحيا بك واشوف نفسي احترق مثل الورق ولاني عنك قادره يلي غلاه ساكن القلب والروح متى يحن قلبك وترجع انا ما ودي ادعي عليك واقول عسى تذوق عذاب الشوق اللى من اسبابك يعذبني ما اقول غيرعسى الفرحه ما تفارق محياك بس تذكر انسان يحبك تذكر احلا وعود اللقاء الليبيني وبينك قبل ما تسافر ملطووووووش 16 augustus صرت طباخهالاسبوع الي فات ياتني حالة ملل غريبه
مو الملل الغريب لا الغريب ان الاول اذا اتملل اجلس اصيح لحالي
بس الاسبوع الي فات اذا اتملل اقوم اطبخ
بتقولون شنو الغريب في هذي الشي وحده ملانه قامت تقضي وقتها بالطبخ حتى تملي الفراغ
يا حلوين الغريب بالامر انا عمري ماعرفت اسلق بيضه والحين يايه بطبخ ولا وبسوي العشى
كنت متصوره الطبخ الاول انه شي خيالي وصعب ماتوقعت انه اشياء حطيها فوق بعض وخلاص
بس بصراحه وبدون مبالغه طلعت طباخه عجيبهلدرجه سويت لهم معكرونه بالباشميل وطلعت على طول رحت مع اختي خطوبة رفيجتها ومارديت البيت الا كل المعكرونه خلصت ومافي الا قطعه صغيره تهاوشت عليها انا واختي وهيا الي فازت فيها
 وفي مره سويت معكرونه سباجتي امي اكلتها قالت لي حاره مره صدمتني قلت يعني محد بياكلها وفي العشى تفاجئت الكل جالس يحط عليها فلفل يقولون لي مو حاره شكل التذوق عند امي مخترب ههههههههههههههههه
بس بصراحه هذي الطبخه تبقى منها شوي لان بالبيت محد ياكل المعكرونه الا اذا كانت بالباشميل
والطبخه الثانيه سويت كفته بصلصة الطماطم والفطر طلعت رووووووووووعه بس حسافه ماصارت حاره لان خفت من امي موصيتني ماسويها حاره وهذي خلصت كامل لان امي الله يهديها خذت الطبخه كامل وودتها حق اختي تقول انها تذكرت اختي يوم شافت الطبخه
 بالمختصر المفيد صرت الشف فطوومومن تعليقات البيت على
 ابوي: زين زين صرتي تعرفي تطبخي حتى الي بياخذج مره وحده تكوني تعرفي تطبخيامي: من تشوفني اطبخ تضحك وكانها تقول الحمد لله اخيرا طلعت
 وحده من بناتي تعرف تطبخ ومن احترق اتيي لي على طولاختي ز:كله تعليقاتها سلبيه تقول ان طباخها احلا وهيا في حياتها ماطبخت لحالها مره غيرانه مني هههههه
اختي لصغيره:تقول لي ليش تتعلمين الطبخ ليكون بتنخطبي اعترفي خخخخخخخخخ
بس الحين حالة الطبخ الي ياتني راحت لاني رديت اذا اتييني حالة الملل اصيح 10 augustus لمدمنين الكوفيهكم شخص فينا مدمن كوفيه ومايصدق يشوف كوفيه مشين حتى يروح يركض حتى يشرب كوفيه
بس احد فكر اشلون يسوونه في المشين
شوفوا هذي الموقع وراح تفهمون قصدي
29 juli الف مبروك ميوستوني راده الحين من (عقد قران)رفيجتي ميوس
اليوم كان متعب من الساعه 1 الظهر الى الساعه 9 اليل بالصالون وبالاخير ماستفدنا شي الشعر كش والميك اب ساح
المهم الف مبروووك لميوس
وعقبالي
هههههههههههههه |
خلاص حرمت اشتري شي من المشين|
|
