البحرينيه*~* Pink GiRl *~*

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Happy new year 4 all

 

 

تفصلنا ساعات معدوده عن حدث مهم

 

راح نودع سنه

ونستقبل سنه جديده

 

ويارب تكون هذه السنه سنة خير وسلام تعم على العالم وبلخصوص فلسطين والعراق

 

مرت على وعليكم احداث كثيره في 2005 بعظها حلو والاخر حزين حبيت استرجع معاكم بعض الاحداث الي صادفتني

 

 

بداية 2005 معاي كانت جيده نوعاً ما حسيت ان في اشخاص كثير بجانبي ويحبوني

 

كتبت اول بلوق لي في هدا لسبيس في شهر سته من سنة 2005

 

 

كان تاريخ 31/5 مميز بلنسبه لي مثل ماكان في سنة 2003 و 2004

ولكن اخر سنه احتفل فيه هو هذي السنه يمكن احتفل فيه بس بطريقه ثانيه بلمره

راح اشتاق لهدا اليوم

 

من بداية شهر يناير الى تاريخ 18 اغسطس كانت السنه حلوه

 

لكن تغير كل شي على من تاريخ 19/8 انقلبت كل الاموروللحين احاول احل المسأله وافهمها لكن مافي شي يقنعني

 

والحين مع نهاية السنه كان ختامها مسك من الرخيص بلنسبه لي

امرض(لا اعتراض على حكمة ربي)والسبب هو الضغوطات النفسيه الي عانيت منها هذي السنه والله لا يسامح الي كان السبب لا دنيا ولا اخره

 

 

مع اني اشوف 2006 مافيه شي يبشر الا اني بتفائل شوي

 

أتمنى لنفسي على الصعيد الصحي

إني اتحسن وان كل الاشعه تكون ايجابيه مو علشاني لا بس حتى امي ترتاح من محاتاتي

 

واني اسوي ريجيم<--كثري منها

شسوي عاطيني حبوب من اعراضه اني اسمن ليش ناقصه انا

 

على الصعيد العاطفي

No comment

هذا الصعيد الوحيد الي ماحب افكر فيه ومن جذي افضل ماتكلم عنه

 

على الصعيد العائلي

إني اتقرب اكثر من اهلي خصوصاً اخر فتره حسيت نفسي مقصره في حقهم

 

على الصعيد المهني

إني اكمل دراستي واجتهد وبعدها اعمل

 

على الصعيد الاجتماعي

انا مقصره وايد في هذي النقطه بس حابه اني اغير هذي السنه شوي واكثر من ظهراتي الاجتماعيه لانتعاش النفسيه<--تسمع فيها خخخخ

واني اكون اكثر صراحه مع الناس واعطيهم كل شي في ويهم ولا احط شي بقلبي

 

مهما كانت السنه الي فاتت حلوه او مره نطلع منها واحنا حاملين بعض التجارب الي تساعدنا نكمل حياتنا

تخلينا نكتشف الصديق من العدو نكتشف معادن الناس تكتشف اشياء في شخصيتك ماكنت تعرف انها فيك

 

<--تعبتكم معاها

 

المهم تمنياتي لكم بسنه حلوه زي العسل

والله يشيل الزعل بين كل حبيب وحبيبه

 

وتمنياتي بسهره حلوه وانا بقضيها مع اختي لان ربعي مشغولين بالامتحانات ومحد منهم يستاهل خخخخخخخخ

<--بتنطق

 

اشوفكم السنه اليايه على خير

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

ادري الكل يقول الحين وش تبي ذي

 

 

بس عرفتوني وانا كبيره قلت اقول لكم يوم انا صغيره شو اسوي

 

مابقول اني يوم صغيره كنت بريئه لان انا للحين بريئه<--كثري منها

 

بس الماما دوم تقول لي اني تكلمت بسرعه وكنت حبابه أي شي يقولونه لي اسويه

 

والحين العكس

 

وكانت عندي شلة بنات ماقدر اعدهم من كثرهم

وكنا اشرار حتى شباب الحاره نتحداهم

كانوا شباب الحاره يلحقونا بفيران يخرعونا وانا كانت هوايتي اجمع صراصير واخرعهم فيها ههه

 

كان عندي بنت عم هيا صديقتي

كانوا عايشين في منطقه ثانيه وانتقولوا الى منطقتنا

وصاروا جيرانا وماكان لها حد غيري

وصارت ماتفارقني

 

وهيا الي خربتني حسبي الله عليها

 

 

مره كنت جالسه معاها بلبيت لحالنا

تقريباً الساعه 10 اليل

 

قالت لي قومي نعمل شخص على شكل جني

 

قلت لها اوكيه خلنا نقوم قمنا وسويناه جالس على كرسي ولابس كول شي اسود في اسود

وحطينه على حظنه قرأن وفي الوسط سكين

 

مابعرف شنو نقصد من السكين هههههه

 

وربي ما اكذب واحنا نسويه وانا اصيح لانه يخوف

 

وحطيناه المجسم مباشره في وجه الباب

يعني الي يفتح الباب يشوفه في وجهه

وامي دخلت علينا الغرفه تقول

شتسووون قلنا لها ابد نلعب

خخخخخخخ

 

وطفينا النور مال الغرفه وطلعنا

كانت اختي في بيت عمي قلنا لازم نروح نجيبها البيت حتى تشوف المجسم

 

ملاحظه:كانت ذيج الايام في منظقتنا تصير اشياء غريبه مثل في وقت متاخر نسمع احد يضرب الباب ونطلع مايكون في احد وكانت في اوقات الاحداث الي صارت بلبحرين يعني تعرفوا الخوف موصل لوين

 

المهم رحنا بيت عمي وحنا نترجى اخوتي تقوم معانا البيت مارضيت تقول تبي تتابع الفلم

 

احنا خليناها وقمنا نلعب ونسينا امر المجسم

 

ماسمعنا الا مره وحده صوت اختي لكبيره يات بيت عمي وتصارخ

 

احنا :شنو صاير

 

اختي:اعترفوا شنو مسويين لو انا رحت فيها الحين

 

طلعت نسينا ان اختي الثانيه كانت برى البيت وممكن تجي في أي لحظه وتشوف الي مسوينه

 

حاولنا ننفي الي سويناه بس امي قالت انا شفتكم يالسين تسوونه خخخخخخ

 

والي خرع اختي اكثر ان احنا كنا ملبسينه ملابس اخوتي

هههههههههههههههه

 

بس على هدا الموقف حصلنا تهزئه عدله

الاوله من عمي

والتانيه من ابوي

 

بس ردينا يوم ثاني سوينا المجسم الى ابوي

نقول له شوفه لانك ماشفته هههههههههه

 

 

 

الموقف الثاني

 

صار لي انا وهم بنت عمي

 

كنا رايحين البحر انا وياها

 

وكانوا هناك شباب متجمعين ومشعلين لهم نار وجالسين

 

انا وياها رحنا نركض وراء  (القبقب) بلبحريني

او سرطان البحر

 

والي مايعرفه هذي صورته

 

المهم رحنا وصدنا اكبر كميه

وهما عايشين

رحنا وقطيناهم بلنار الي مولعينها الشباب

 

وسمعنا اصوات القبقب تطلع اصوات

كانه شخص يصيح

 

وقمنا نصيح ونقول ان الله راح يعاقبنا

لانه عذبنا روح

<-توه الناس على الندم

 

والله ماكذب كل مره اتذكر الموقف واتذكر الاصوات تطيح دمعتي

وشكلي راح اعمل بلمستقبل جمعيه لحماية هذا الحيوان

وبعادي كل الي ياكله هههههه

 

 

 

يوم كنت صغيره فيني طبع اني ماحب احد يقول لي قومي جيبي لي شي

 

وللحين هدا الطبع فيني بس اخف

 

الاول اذا احد قال لي يبي ماي وانا مو راضيه وغصبني

 

اروح احط له بكاسة الماء ملح واعطيه اياه

هههههههههههههههههه

 

انا بحب الملح مره مره

 

لدرجه اني اضيف الى الاكل الملح قبل ما اتذوقه من حبي له

 

واذا بسوي شي لازم اسويه مالح

حتى الي ياكل اكل الماما يقول عنه مالح وانا اقول

لها اكلج مافيه ملح هههه

 

من كذا الضغط مرتفع هههه

يا حظ الي احبه كثر ماحب الملح خخخخخخ

 

واذا اسوي شي لازم ازيد الملح والحر

 

وعلى سالفة الحر تذكرة سالفه

 

كنت مره انا وبنت عمي دوختكم فيها صح كانت صديقتي العزيزه بس تزوجت الحين ونستني

حتى مسج مافي

زوجها يتذكرني ويرسل يمكن بسنه مره اهيا ابد هههه

 

المهم خلينا في سالفتنا

 

قررت مره اني اطبخ

قامت بنت عمي تستهزء فيني تقول ماتعرفي تسوي شي

 

قلت لها راح نشوف قمنا ورحنا المطبخ بنطبخ مع بعض

قلنا خلنا نسوي معكرونه

 

روحنا وعفسنا المطبخ

 

ووصلنا الى اهم حاجه

وهيا البهارات

 

قمنا قطعنا 13 فلفل حر

وحطيناه بلمعكرونه<-مجرمين

ولا يفوتكم طول الوقت نقول شكله الفلفل مش كافي هههههه

وحطينا اكيد كيلو بهارات

 

بس الحمد لله قضينا عليها

 

وقمنا نحط فوقها شطه وناكل هههههههه

بس الله لايفرجيكم وجوهنا

احمر على اصفر على اورانج ههههه

 

من حبي الى الفلفل اتوقع ان الجنسيه الهنديه اقدر اخذها بسهوله

ههههههههههههههههههههههههههههههه

 

عندي صديقه وللحين اهيا صديقتي فديييتها نسميها

سنفووووره خخخخ

هذي كانت عندها هوايه وهيا تمشي مثل العيايز

نروح نتمشى بلحاره واي عيوز نشوفها نروح

وراها ونمشي مثلها هههههههههههه

 

<--محد سلم منهم

 

ومره انا وسنفوره

وصديقتنا ميوس

شفنا اثنين طايفين جنبنا

مره وحده هاوشناهم وربي ما ادري ليش

ورحنا تهاوشنا معاهم واخذنا الي كان معاهم وقطعناه

هما كانوا اثنين وحنا ثلاثه بس الحمد لله هزمناهم

هههههههههههه

كان يا ويله الي يفكر يتحرش فينا

 

ملاحظه:على فكره بس انا الحين غير عن يوم صغيره صورت مؤدبه وخجوله مره مره ياحبيلي

 

 

يالله بس طلعت فضايح وايد

وفي عندي مواقف بس انا مو معاهم فيها

راح انزل بلوق خصوصي عنها

حتى اقول لكم مواقف عيال عايلتنا

ههههههههه

 

 

19/8

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

هلووو قايز اند قايزات

 

بقول لكم موقف صادني أيام العيد

 

 

المشهد الاول

 

اخوي مع خطيبته يالسين مع بعض وأسمعه يقول لها مابقدر أطلع معاج وراي مبارات وانا على طول الملقوفه أنط وأقول  واخزياااه يوم عيد ومابتطلع مع حبيبتك بس لان مبارات اجلها

 

الا تقول لي خطيبته لا حرام عنده مبارات

 

انا طبعاً مايمشي عندي هذي الكلام قلت لها يبا الرياييل مايجون الا بلعين الحمره قومي بقول لج شنو تسوين

 

قامت معاي قلت لها البسي خلنا نقوم نتمشى

 

قمنا وتجهزنا قلنا نبي نتمشى حتى نخفف اشوي من البتي فور والمعمول والحلااا بأنواعه<--يبي لكم سنه تمشون ههههه

 

اخوي: وين رايحين

 

أنا: انا وخطيبتك طالعين انت شكو ولا تسالنا وين رايحين بس اذا تعبنا بنتصل لك اتيي لنا

 

وطلعنا نتمشى وانا اقول الى خطيبة اخوي لاتعلمينه على الدلع بعدين يغربلج<--الله يعين الي بياخذج

 

المفروض احنا نتمشى جدام شارع عمومي بس احنا الاذكياء رحنا نتمشى ومنخشين وراء محلات ومصانع يعني لو حد يسوي فينا جريمه هناك محد يشوف

 

وكل مانمشي خطوه نشوف هندي يطالعنا

 

وانا اقول لهم لاتخافون انا معاكم<--رجال

 

واحنا نتمشى ونضحك ونسولف (نسيت اقول لكم الي كنا نتمشى انا وخواتي ثنتين وخطيبة اخوي) مانشوف الا كلااااب  طالعين وينبحو علينا

 

والكل خاف وانا اقول خلني اهدئ الوضع

 

<--قامت تعطي نصايح

 

اقول لهم على فكره تدرون ليش الكلب يلحق الانسان لان الانسان اذا خاف يفرز ماده وهذي الماده اذا شمها الكلب يلحق الانسان ماشوف الا اختي اخر العنقود باقي شوي ويغمى عليها من الخوف هههههههههههههههه

 

وكل ماتقربنا اكثر الكلاب يزيدوا الصوت ماشوفهم الا كاملهم تراجعوا على وراء من خوفهم واختي تقول لاتركضوا تراهم بيلحقوناخخخخ<---مسوين فلم رعب

 

وعلى طول قمنا نتراجع بهدوء مانشوف الا اخوي متصل ويسمع صوت لكلاااب الا يقول انتوا وين

 

وانا اقول لخطيبته لاتقولين

 

الا تقول له يم القصر الانيق<--مابقول أي فرع ههههههه

 

تونا مسكرين الموبايل من عنده مانشوفه الا ياي لنا <--شكله لاحقكم هههه

 

يا بالاول مارضينا نركب نقول بنواصل مشي بس خطيبته ماطاوعت وركبت وركبنا وراها

 

الا اقول له اسمع بتردنا البيت مو رادين

 

الا يقول خلاااص مابروح المبارات فكوني بطلع معاكم

 

اطالع خطيبته وانا اضحك اقول لها شوفي هذي الخطط ولا بلاش مو راح تخلينه يروح المبارات خخخخخخخخخخخخخخخخخخخخخ

 

المهم قام يمشي وانا اعد لكم السيارات السعوديه الي تمر علينا وكل مره اغلط بلعد وارد اعيد مره ثانيه هههههه<--فاشله بلعد

 

المهم ماشفناه الا موقف السياره ويقول يالله نزلوا انا وين الكرنيش

 

الا يقول انتي تقولين تبين تمشي انزلي تمشي بدون كلاااب ههه واذا عينج على المائيه تراها زحمه وانا استحي امشي فيها كل شوي ادعم لي وحده<--قول خايف من خطيبتك ههه

 

انا :امري لله

 

نزلنا نتمشه اهوا مع خطيبته جدام وسوالف وانا واخواتي وراهم بصراحه غرت انا مامعاي واحد امشي معاه هههههههههههههههههه

 

فكرة ادور لي واحد بس محد عيبني وطول الوقت اتحرش بليهال حتى راحوا يشتكون عند اهاليهم خخخخ

 

وانا واختي نقول كأننا هبلان نتمشى ومو معانا واحد خلينا نسوي خطه ونخليه مثل ماطلع خطيبته يردنا هههههههههه

 

وعلى طول رحنا نمشي بنروح الى السياره

 

اخوي:وين رايحين

 

احنا: بنرد البيت تتطنز علينا يبتنا هنا لو مخلينا نتمشى مع لكلاااب ابرك لما ههه<--مايعجبهم شي

 

وردينا البيت

 

تووته توته خلصت الحتوته

 

انا كتبت هذي الشي حتى اقول لكم الرياييل مايجون الا بلعين الحمره هذي الكلااام نسمعها وايد بس توني مطبقتها خخخ واكتشفتها

 

ولاا تدلعوا حبيبكم اخو خطيبكم او زوجكم تعلموا من الحين خخخخخخ

 

<--الله يعين ريلها هههههههه

 

ولي يبي خطه انا حاظره اسوي له ههه

 

 

 

 

انا قلت لكم من قبل فتره اني صرت خاله

 

بس ماراويتكم صورتها

 

واليوم يبت لكم صورها

 

بس الصور في الظلمه مادري من مصورها<---قولي لنفسج خخخ

 

ضغطوا على الصوره لتكبيرها

 

 

 

 

 

 

 

 

الام تتعب وبالاخير تطلع تشبه الابو

 

اهيا لو مطاوعتني وطالعه تشبهني احسن خخخخ

 

صايره بلصور صفره لان كانت مريضه بعد جبدي

 

يووه نسيت اقول اسمها أيه

 

 

 

 

 

 

 

 

 

 

 

 

 

 جبت لكم لغز وياريت الكل يجاوبه قبل لا يشوف الجواب الي حاطته تحت

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

---

 

 

اختي الثانيه اخر العنقود

 

حلمها تصير ملكة جمال او عارضة ازياء

 

وكانت اتييب صديقتها البيت ويلبسوا  ملابس ويتمشوا كانهم عارضات ازياء يوم كبرت قلنا لها يا بنت الحلال مايصير تصيري لا عارضه ولا تشتركين في مسابقة ملكة جمال

 

قالت لا يصير قلنا لها لا عيب انتي المفروض تتحجبي صرتي كبيره

 

قالت عيل بصير صحفيه

 

قمت اضحك عليها اقول لها أي صحيفه الي راح تقبلج

 

قالت لي اراويج راح افتح لي صحيفه لحالي واكتب فيها قلت لها نشوف

 

البنت عاندت وسوت الي في بالها راح اراويكم صحيفتها

 

 

 

 

 

 

 

على طول لمبرقعه اتصلت له تسال عنه لانها كانت خايفه عليه

 

طمبحله:هلا

 

لمبرقعه:هلا وغلا ..اخبارك

 

طمبحله:تمام انتي

 

لمبرقعه:الحمد لله ..ويه شكلي قعدتك من النوم

 

طمبحله:ايه توني واصل من شوي ورقدت

 

لمبرقعه:ويه عيل كمل نومتك اخليك

 

طمبحله: لا خلاص يلست من النوم الحين بس البطاريه راح تخلص ويتسكر في ويهج سكري الحين احسن

 

لمبرقعه: اوكيه عيل مع السلامه وتحمل بنفسك

 

طمبحله:وانتي بعد تحملي بروحج..مع السلامه

 

 

أستمر عليهم الحال بلغربه وبين فتره والثانيه يتصلون يسألون عن احوال بعضهم البعض وأخذو أثنينهم ينسجون أحلالام ورديه أشلون راح تكون حياتهم بالمستقبل وين راح يعيشوا وشنو راح يسمون عيالهم

 

قرر طمبحله بعد كم شهر من سفره أنه يرد نغوشه حتى يتطمن على اهله

 

وبعد مانزل اتصل الى لمبرقعه وقال لها بنزل على فغوشه بس ابي اشوفج بدون برقع ممكن

بس اهيا رفضت هذا الشي وبشده وسافر مره ثانيه على(تشيكو)بدون مايشوفها

 

اتصلت فيه لمبرقعه واعتذرت لانها ماخلته يشوفها بدون برقع بس اهوا قال لها لا رايج وانا احترمه وخبرها طمبحله انه بيكون مشغول شوي هذي الفتره لان قربت الامتحانات

 

لمبرقعه: اوكيه ادرس عدل مو ترسب وتقول مني

 

طمبحله:وليش اذا رسبت مين السبب غيرج

 

لمبرقعه: كل شي يخلونه علينا

 

طمبحله: ههههههههههههه لا خلاص عمري راح ادرس بس دعائج لي

 

لمبرقعه: روح الله يوفقك ويرزقك ببنت حلال مثلي

 

طمبحله: بل عاد مثلج رحنا وطي

 

لمبرقعه: هاا اشوف غيرت رايك وين بتحصل احسن مني ومتحملتك على ثقل دمك

 

طمبحله: ههههههه اتغشمر معاج الله عطاني نعمه وانتي الله بلاج بنقمه ههههه زين جذي

 

لمبرقعه: أي هذي الكلام العدل

 

طمبحله: زين يالله سكري لا تخلص بطاقتج لازم تخلصينها كامل الحين خلي شوي لمره ثانيه

 

لمبرقعه:ماني ابي اخلصها كامل الحين

 

طمبحله: زين خلي حق مسج ترسلينه حقنا لو مانستاهل

 

لمبرقعه: اذا انت ماتستاهل عيل مين يستاهل خلاص بسكر..مع السلامه

 

طمبحله: اموووووووووه..مع السلامه

 

 

فصارت لمبرقعه تتصل في طمبحله كل ماخلص من امتحان تساله شنو سوا فيه حتى تطمن عليه ومره كانت متصله له اول ماشاله

 

طمبحله:الوووو

 

لمبرقعه: ها شنو سويت

 

طمبحله:بالاول يسلمون

 

لمبرقعه: بعدين اسلم النتايج اهم الحين

 

طمبحله: امتحنا والنتايج بعد شوي وواحد من الشباب راح يشوف طلعوا او للحين

 

لمبرقعه: وانت سويت زين

 

طمبحله: ايه الحمد لله يمكن عندي بس غلطه

 

لمبرقعه:ساكته

 

طمبحله: متصله وساكته عيل سكري

 

لمبرقعه: لا بنتظر النتيجه جالسه احاتيها

 

طمبحله: نتيجتي انا انتي شنو تحاتيها

 

لمبرقعه: انا ما احاتي نتايجي بلجامعه كثر نتايجك

 

طمبحله: يا بعد عمري انتي

 

(وفي هذي الاثناء سمعت لمبرقعه صوت واحد يقول نجحنااااااا)

 

طمبحله: سمعتي يا صديقي يقول نجحنا

 

لمبرقعه: مبرووك عقبال المواد الثانيه

 

طمبحله: الله يبارك فيج وانتي بعد اهتمي بدراستج

 

لمبرقعه: من يمك اسمع صوت بنت

 

طمبحله: بدت تشك هذا صديقي..كل هذي الصوت وكانه صوت بنت

 

لمبرقعه: علينا صديقك

 

طمبحله:وربي ورب الكعبه صديقي سمعي الصوت عدل

 

لمبرقعه : زين صدقنا بس يالسه اتسبب

 

طمبحله: طيب اخليج لان في مكالمه ياتني بس برد عليها وبتصل لج على طول

 

لمبرقعه: اوكيه لاتتاخر

 

طمبحله:من عيني

 

 

سكر طمبحله من لمبرقعه وشاف الرقم الي متصل عليه اووه هذي الوالد خلني ارد

 

طمبحله: هلالا باباتي<--يدلع ابوه

 

بو طمبحله: هلا بولدي ..اخبارك واخبار دراستك

 

طمبحله: كل شي تمام ..اخبار الحنونه امي

 

بوطمبحله: كلهم زينين ويسلموا عليك...ويقولوا لك محتاج شي

 

طمبحله:لا مو محتاج شي خيركم سابق..بس لو تطرش لي طبخ امي فيك الخير مليت من اكل المطاعم

 

بوطمبحله: اذا رديت بتاكله

 

طمبحله: وين ارد توني راد لكم من كم شهر وعلى امتحانات وشغل بلجامعه

 

بوطمبحله:لا راح ترد

 

طمبحله: برد بعد شهر عيل اذا خلصت من شغلي بلجامعه بس مابقدر ايلس اكثر من سبوع عندكم

 

بو طمبحله: ومن قال لك راح ترد على تشيكو

 

طمبحله:خير يبا..انا ادرس هنا نسيت

 

بو طمبحله:خل كل داستك ..وانزل نغوشه نبي نزوجك

 

طمبحله: (بأبتسامه عريضه) صج يبا بس اهيا للحين تدرس ماراح ترضى اتيي تشيكو معاي اذا تزوجنا بس ماعليك يبا ولدك يضبطها

 

بوطمبحله: من الي تدرس.زانا اقصد بنت عمك يا الثور

 

طمبحله: (وهوا متفاجئ) بنت عمي!!! بس يبا انا ابي وحده وامي تدري بهذي الشي

 

بو طمبحله: قالت لي امك وانا مايهمني هذي الكلام بنت عمك اولى فيك

 

طمبحله: والي ماراح ينزل

 

بوطمبحله: لا تعاند وانزل انا عطيت عمك كلمه

 

طمبحله: يبا افهمني اذا نزلت وتزوجت بنت عمي راح اهدم حياتين حيات بنت عمي وحيات حبيبتي

 

بو طمبحله: يابوك أي حبيبتك الحب مايجي الا بعد الزواج وشنو فيها بنت عمك يا زينها الكل يتمناها

 

طمبحله: بنت عمي على العين والراس ومافي مثلها ..بس قلبي متعلق بغيرها

 

بوطمبحله: اذا ماخذيت بنت عمك ماعرفك ولا تعرفني وماراح تستفيد من حبك لان محد بيرضى يزوج بنتهم لواحد مو معاه اهله

 

طمبحله: ماراح انزل وبضل طول عمري هنا ولا اهدم حيات بنت عمي لاني عارف ماراح احبها

 

بوطمبحله:خلاص انت مو ولدي ولا اعرفك ولا تعرفني

 

طمبحله: توت توت توت (سكر بو طمبحله الموبايل)

 

 

يلس يفكر طمبحله في الموضوع وشنو راح يقول حق لمبرقعه وشلون راح تتحمل وهيا ماتتحمل شي وحساسه زياده عن الزوم مالي الا اني اطنشها شوي هذي الفتره  لين تعتاد على الامر

 

وفي نفس الوقت لمبرقعه ناطره يتصل فيها طمبحله بس ماتصل وقالت ماراح اتصل فيه اهوا المفروض يتصل لانه قال لي بيتصل

 

مرت الايام ولمبرقعه ماتدري بشي عن طمبحله وكانت حاسه ان في شي صاير ومخلي طمبحله مايهتم فيها ولا يتصل

 

ومره وهيا يالسه بلمسنجر شافته داخل فرحت وماوسعتها الدنيا من فرحتها كلمته لكن اسلوبه كان متغير فتأكدت لمبرقعه ان احساسها كان صح وطمبحله فيه شي مضايقه

 

حاولت لمبرقعه تعرف سبب تغييره  فقال لها مابي اظلمج معاي انا شخص مالي مستقبل خلاص حاولت تفهم من السالفه شي مافهمت شي

 

وبعد عدة ايام من جرح لمبرقعه حاولت تتصل فيه وتساله عن سالفته لانها كانت خايفه عليه لكنها تفاجئت بانها داخل دوامه مو قادره تعرف سبب التغيير بس كان طمبحله يرد عليها بصوت مخنوق وقال لها بعد ثلاثة ايام اشوفج بلمسنجر واخبرج بسالفه

 

اكتشف لمبرقعه انها راح تسافر وماتقدر تعرف السالفه أتصلت له ماكان يرد طرشت له مسج تقول له ادخل المسنجر فمادخل قالت لمبرقعه مالي الا اني اكنسل سفري وماسافر حتى بس اتطمن عليه

 

 

مرت الثلاثة الايام ويا اليوم الي وعد  فيه لمبرقعه انه يقول لها السالفه فيه دخلت المسنجر ماشافته أنتظرت مده قالت يمكن نسه راح اطرش له مسج حتى يدخل...بعد مافاد الامر أتصلت له وقالت له ماراح تدخل المسنجر يالسه احتريك قال لها لا انا مشغول الحين يالس ادور لي شقه ومو معاي الاب توب قالت له انا يالسه انتظر وعدك لي قال لها انتي شفيج(لاترحمي ولاتخلي رحمة الله تنزل) من قال لها هذي الكلمه افترت فيها الدنيا

 

وقالت له والي يلعب بمشاعر الناس ..قال لها انتي بالاصل ماتدرين بشي..ردت عليه وقالت له خلاص مابي اعرف شي منك قال لها خلاص راح ادخل المسنجر بس اهيا قالت خلاص مابي اعرف شي وسكرت الموبايل

 

واستمرت لمبرقعه تلوم نفسها على انها حبته بيوم وتداري دمعتها عن الناس حتى عن امها لانها ماتعرف سبب فراقهم (هههههه شكلكم بتقتلوني كل هذي القصه وماتعرف سبب فراقهم)

 

 

حاول طمبحله انه يقول للمبرقعه كل السالفه بس خاف لانه يبي يخلي لمبرقعه تكرهه حتى تشوف حياتها واذا قال لها السالفه الصجيه راح تظل تحبه وماراح تنساه وماراح تقدر تعيش مع غيره

 

 

أتصلت ام طمبحله الى لمبرقعه وقالت لها عن كل السالفه وقالت لها اخذي بالج من ولدي تراه ماله حد غيرج عقب ربج ولا تقولين له اني قلت لج

 

قالت لها لاتخافين طمبحله بعيني مهما صار بينا وراح اتصل له دوم حتى اعرف اخباره

 

 

عرفت لمبرقعه ان طمبحله يحبها وضحى علشانها فقالت راح اتصل له واسوي نفسي ولا ادري بشي

 

 فتصلت له وقالت له ابي حل حق مشكلتنا يا انك تنساني بلمره او نرد حق بعض مثل اول واحسن

 

قال لها ماراح نرد مثل اول بس نقدر نكون اصحاب قالت له كل الحب الي حبيتك اياه ماقدر اخليك كصاحب

قال لها يعني ماتبين تعرفين اخباري وشنو فيني وشنو مافيني

 

لمبرقعه: (كانت تبي تقول ايه بس ماقدرت)  فقالت ليش انا لعبه بيدك وقت ماتبي تكلمني راح تكلمني يعني

 

طمبحله: وشنو الحل يعني عندج

 

لمبرقعه: خلاص خلنا اصحاب صج مادري ليش تبينا نفترق بس يهمني اعرف اخبارك

 

طمبحله:خلاص اتفقنا

 

لمبرقعه:اتفقنا..بس ماوعدك راح اقدر اعاملك مثل اول يعني راح اطنشك وايد

 

طمبحله: نشوف

 

لمبرقعه: هههههههه واثق من حالك بس مثل ماقلت لك من قبل اذا ماكنت لك ماراح اكون لغيرك فماراح اخسر شي اذا صرنا اصحاب

 

طمبحله: غريبه ليش فرحانه اليوم العاده تصيحين

 

لمبرقعه: اليوم سامعه خبر فرحني وخلاني انسى جرحك

 

طمبحله : الله يهنيج دوووم

 

لمبرقعه:معاك...يالله مع السلامه  وخلنا نشوفك

 

طمبحله: انشاء الله..مع السلامه

 

(أستغرب طمبحله التغيير في لمبرقعه وسبب تفهمها لوضعه بدون ماتعرف السبب)

 

وعادوا لبعض على انهم اصحاب على امل انه تتغير الضروف

(وتوتا توتا خلصت الحتوتا).. ويمكن لنا عوده ويمكن لا<-- اقصد عوده للقصه بأجزاء ثانيه لحد يفهم غلط

 

ملاحظه: كانت القصه غير مره بس حلمت مره حلم بليل ويلست وغيرتها هههههههههههههه

 

 

 

 

 

 

 

 

 

 

 

ردت لمبرقعه بيتهم وعقب ماخلصت من الصلاة يلست مع هوايتها المفضله وهيا (النت) وكانت معاها اختها لصغيره وفي هذي الاثناء طق موبايل لمبرقعه أخذت الموبايل وهيا تناظر الرقم وتقول وااااااو رقم مميز خلني ارد

 

لمبرقعه: (بصوت هادئ)الووو

 

المتصل: هااااااا بتعزميني على الغدا او شنو

 

لمبرقعه: بسم الله من معاي؟!

 

المتصل: ليش تعرفي كم واحد غيري

 

لمبرقعه: ماعرف احد غير راجو راعي البقاله أتصل له أييب لي اغراض!

 

المتصل: معقوله انا ماعرفتيني انااا(طمبحله)

 

لمبرقعه: معقوله ماصدق صوتك حلو صاير....ومن وين لك رقمي

 

طمبحله: هاهاهاها انا مايخفى على شي لو ابي النجما من السما انزلها

 

لمبرقعه: أنا اول ماشفتك قلت هذي الوجه مو وجه ادمي وجه جني

 

طمبحله: جني ياكلج قولي امين

 

لمبرقعه: بصج وبكل صراحه من وين لك رقمي

 

طمبحله: تذكري يوم نسيتي موبايلج انا اتصلت لموبايلي حتى اعرف رقمج

 

لمبرقعه:ايييي صج وانا لي الله ولا ادري بشي

 

طمبحله: هاهاهاهاهاهاهاهاهاي بعد حركات

 

لمبرقعه: عليك هذي الضحكه كأنها ضحكة بقره

 

طمبحله: بقره تنطحج... الحين خلصينا بتعزميني بكره على الغدا لو شنو

 

لمبرقعه: قلت لك لا ماتفهم!!..

 

طمبحله: طيب يا حزره..وانتي شنو يالسه تسوين الحين

 

لمبرقعه: يالسه بلمسنجر اكلم صحباتي

 

طمبحله: ضيفيني معاج

 

لمبرقعه: بضيفك على شرط

 

طمبحله: من عيني اشرطي

 

لمبرقعه: إنك ماتتصل فيني وامسح رقمي

 

طمبحله: طيب وهذي اميلي طمبحله@زريبه.طخ

 

لمبرقعه: ههههه تصدق اميلك مثل وجهك

 

طمبحله: اكيد حلو مثلي..ضيفيني لاتنسين مع السلامه

 

لمبرقعه: مع السلامه

 

 

ماسمعت لمبرقعه الا صوت اختها لصغيره وهيا تقول لها مين هذي طمبحله!!

 

لمبرقعه: انتي من وين طالعه..واي طمبحله انا كنت اكلم رفيجتي اسمها طمبحله

 

اختها: لاتقصين على سمعت صوت (ريال) بروح اعلم الماما

 

لمبرقعه: لاتعالي بعطيج حلاوه

 

راحت اخت كروشه(لمبرقعه) وخبرت امها كل السالفه وزادت عليها بهارات

 

امها عصبت وراحت الى كروشه وهيا تقول لها صج الي تقوله اختج إنج تكلمين واحد اسمه طمبحله من قلة الاسامي دورتي واحد اسمه (وائل- خالد-ياسر) مو طمبحله

 

لمبرقعه: شنو يما تراني ماسويت شي اهيا معصبه لاني طردتها من الغرفه وطلعت على كلام

 

اختها: ماعليج يما شوفي موبايلها توه متصل

 

امها: اعرف اختج ماتجذب

 

لمبرقعه: طيب بخبرج بالسالفه بس خليها تطلع من الغرفه بالاول

 

امها: وهيا تطالع بنتها اخر العنقود اطلعي برى شوي ماما بس بخبرج بالسالفه بعدين!

 

اختها: طيب ماما لا تتاخرين (وطلعت من الغرفه)

 

امها: يالله قولي لي السالفه

 

لمبرقعه: قالت كل السالفه الى امها وماخبت عنها شي

 

امها: زين سويتي بس خلاص بخليج تكلمينه على المسنجر ولا تكلمينه بلموبايل...(يحليلها امها)

 

لمبرقعه: ولا يهمج يما وهذي الي راح يصير

 

 

رد طمبحله ديرته وما اتصل الى لمبرقعه لانه وعدها ماراح يتصل بس راح يكلمها على المسنجر

 

وصار كل يوم ينطرها بالمسنجر بس مايشوفها (اون لاين) وكل يوم يرسل لها اميل

 

ومره وهوا ينطرها دخلت المسنجر وهوا على طول راح وكلمها

 

طمبحله: هلا والله بالزين كله توه مانور المسنجر

 

لمبرقعه: انت طمبحله صح؟

 

طمبحله: لا ولد عمه هههههههه

 

لمبرقعه: وييييه عبالي ولد جيرانهم

 

طمبحله: وينج ماتنشافي بالمسنجر

 

لمبرقعه: كان الجهاز عندي عطلان ولا انا مافارق المسنجر

 

طمبحله: سلامته الف سلامه تحمدي له بالسلامه وبوسيه عني هههههههههه

 

لمبرقعه: بايخ

 

طمبحله:والله

 

لمبرقعه: على فكره امي عرفت كل شي بينا وقالت لي بس اكلمك بالمسنجر مثل ماقلت لك من قبل

 

طمبحله: حكمها ولا حكم الحكومه...اكلمج بالمسنجر احسن من اني ما اكلمج بالمره

 

لمبرقعه: اخجلتني

 

طمبحله: على شنو ماقلت شي انا ...ماتصدقين اشلون ارتاح لج اذا اكلمج

 

 

واستمر الحال بينهم كل يوم يتواعدون بالمسنجر واخذ طمبحله يتقرب الى لمبرقعه ويقول لها انا احبج بس اهيا مو عاطيته مجال وتقول له ماحبيتني الا انا اذكرج بحبيبتك المرحومه

 

بس كانت لمبرقعه بنفس الوقت تعلقت بطمبحله بس مستحيه تقول له وفي نفس الوقت ماعندها شي يثبت لها ان طمبحله يحبها

 

واستمر طمبحله يحاول في لمبرقعه حتى تحبه بس اهيا تصده مع انها كانت تحبه

 

 

وفي مره قال لها اهلي رادين من السفر اتصلي الى امي وتحمدي لها بالسلامه بس اهيا قالت لا فشله مابي اتصل طلع (طمبحله) وهوا زعلان من المسنجر ويلست تفكر وقالت خلني اتصل له واشوف شنو فيه اتصلت لمبرقعه بطمبحله وهوا ماصدق اول ماشاف رقمها راح اعطى امه الموبايل وردت عليها وقاموا يسولفوا مع بعض ويوم خلصوا من السوالف اعطت ام طمبحله الموبايل حق طمبحله

 

طمبحله: هلا والله

 

لمبرقعه: ليش تخليني في هذي الموقف

 

طمبحله: شنو صار يوم كلمتي امي نقص منج ريل او يد

 

لمبرقعه: لا بس ماعرفت اكلمها

 

طمبحله: انزين اشوفج اليل على المسنجر اوكيه

 

لمبرقعه : اوكيه..مع السلامه

 

طمبحله: مع السلامه

 

 

 

عرفت لمبرقعه عقب الاتصال ان طمبحله صج يحبها ولو مايحبها ماخلاها تكلم امه

 

(دخل طمبحله المسنجر مثل ماوعد لمبرقعه)

 

 

يلسوا يتكلمون مع عض مثل العاده طايحين طنازه في خلق الله وفي نفس هذي الاثناء طمبحله قال الى لمبرقعه انتي ابد ماعندج احساس ولا تحسين فيني قامت تصيح لمبرقعه وقالت له انت الي مو حاس مو انا

 

طمبحله: وليش مو حاس في شنو فهميني

 

لمبرقعه: اوكيه بقول لك بس على شرط لاتسالني ولا شي

 

طمبحله: اوكيه...قولي عيني

 

لمبرقعه: انا ماعمري حبيت بس من عرفتك عرفت معنى الحب

 

طمبحله:((طاير من الفرحه)واخبارج بعد<--يبي يغير الموضوع حتى لا يسالها مثل ماوعدها

 

لمبرقعه: ماشي حالي

 

طمبحله: اوكيه انا بخليج الحين لاني بروح اجيب صديقي من المطار...وعلى فكره انا ماعمري حبيت بس كانت جذبه..مع السلامه

 

لمبرقعه: مع السلامه وانتبه الى نفسه

 

 

عاشوا الاثنين في احلا علاقة حب طول المده وطلب من لمبرقعه انه يشوفها بدون برقع لكنها رفضت هذي الشي وباصرار لانها مو مقتنعه بهذي الشي

 

 

وصارت ضروف تكدر الخاطر وهوا سفر طمبحله الى (تشيكو) حتى يكمل دراسته وهذي الخبر كدر خاطر لمبرقعه واستغرب طمبحله من هذي الشي وقال لها ليش مكدره خاطرج انا في نغوشه وانتي في فغوشه يعني بعاد عن بعض شفيها اذا رحت (تشيكو) شنو الي راح يتغير

 

قالت له اخاف الغربه تفرقنا او وحده تاخذك مني

قال لها مستحيل وحده تاخذج مني انا مابي الا وحده مثل عاداتي وتقاليدي تطمنت لمبرقعه من هذي الكلام وطلب طمبحله من لمبرقعه ان يشوفها بدون برقع لكنها رفضت هذا الشي

 

يلست لمبرقعه كل يوم تصيح لان حبيبها راح يسافر وفي مره قلبها المها وحست ان في شي في طمبحله وكل ماتتصل له مايرد واستمرت تتصل حتى رد عليها

 

طمبحله: هلا

 

لمبرقعه: ليش ماترد قلبي مالمني حاسه فيك شي

 

طمبحله: كنت اجهز شنطتي

 

لمبرقعه: ليش متى مسافر!!!!!!!!!!!!!

 

طمبحله: الحين...عيل ليش قلبج يالمج

 

لمبرقعه: (وهيا مندهشه)والله انا كان عبالي بكره

 

 

ودعت لمبرقعه طمبحله بلدموع وعطاها رقم وقال لها هذي رقمي اليديد اذا تبي اتصلي فيني وفي يوم ثاني على طول اتصلت له تسال عنه لانها كانت خايفه عليه...

 

 

يالله خلاص مره ثانيه بكتب اخر جزء لان ادري مللتكم بلقصه 

 

 

 

 

 

 

  

   

 

 

 

 

لمبرقعه يلست ساعه تكشخ وتحط من ذاك العطر الي اذا شمه الصقر يطيح<-- اخس من تعبير..وتكحلت وطلعت ووصلت الحديقه  ويلست على نفس الكرسي الي كانت جالسه فيه امس

 

نطرت طمبحله وينه تناظر الي بالحديقه يمكن تشوفه وهيا ناطره وصل طمبحله ويوم شافها ماصدق عمره راح يركض لها ويقول هلا والله بلمبرقعه هلا بهذي الطله

 

لمبرقعه: عمه بعينك شنو مبرقعه مالي اسم انا؟

 

طمبحله: وأنا اشدراني باسمج امس تقولين لي شنو ابي بأسمج

 

لمبرقعه: ويه فشله (يالله رقعي الموقف) إيه وشنو تبي بأسمي..وشنو فيه لمبرقعه نادني لمبرقعه..بس اسمي الحقيقي (كروشه)

 

طمبحله: هههههههههههههه هذي اسم خلينا على لمبرقعه أحسن

 

لمبرقعه: خلينا من اسمي واسمك وقول لي ليش نأخرت صار لي ساعه انطرك في الشمس

 

طمبحله: والله أسف بس ربعي وين ماروح وراي ضيعتهم بلسوق وييت لج ملهوف على شوفتج..المهم اخبارج انتي

 

لمبرقعه: الحمد لله تمام..وانت

 

طمبحله: انا اكيد تمام دام الحلو بخير ودام عيني تشوف عينج

 

لمبرقعه: لا تتغزل انا أبد ماحب حد يتغزل فيني

 

طمبحله: يعني تبين تقنعيني انه ابد مافي حد تغزل فيج..ولا حتى حبيبج

 

لمبرقعه: ايه محد تغزل فيني بس ساعات أخوي يدلعني ويقول لي يا (دبه)!!!!..واي حبيب ماعندي حبيب ولا اعرف هذي السوالف

 

طمبحله: هههههه دبه...غريبه بنت في عمرج ماحبت!؟

 

لمبرقعه: ليش غريبه للحين ماحصلت واحد انسجم معاه..انت حبيت؟

 

طمبحله: وهوا منزل راسه وبصوت كله حزن أيه حبيت

 

لمبرقعه: يا حظك!.. وليش تقولها وكانه راح تطلع روحك المفروض تقولها وانت تضحك

 

طمبحله: وين أضحك وهيا بعيده عني

 

لمبرقعه: ان شاء الله اذا رديت نغوشه تشوفها

 

طمبحله: ما اقدر اشوفها

 

لمبرقعه: ليش اعمى خخخخخخخ

 

طمبحله: لا مو اعمى بس امانه واخذها ربج

 

لمبرقعه: أكيد بتموت دامها شافت خشتك

 

طمبحله: لا ماتت من السلطان

 

لمبرقعه: الله يرحمها ويغمد روحا الجنه

 

طمبحله: تصدقين الي خلاني اكلمج يوم أشوفج امس لانج ذكرتيني فيها سبحان الله نفس العين وحتى يوم كلمتج نفس طريقة الكلام ونفس لخبال!!!

 

لمبرقعه: يخلق من الشبه اربعين..اهيا حلوه؟

 

طمبحله: أهيا حلوه وايد وماعتقد في جمال مثلها بالعالم بس أخاف انتي تشبهيها ومدري

 

 

وفي هذي الاثناء طق موبايل كروشه(لمبرقعه) ورفعت الموبايل ويلست تتكلم مع رفيجتها ساعه

 

8

8

عادت البنات

 

ويوم خلصت تركت موبايلها فوق الكرسي وطالعت طمبحله وهيا تقول له وين وصلنا

 

 

طمبحله: أخر الشارع ههههههههههه

 

لمبرقعه: تنكت على هذي الويه..أنا بقوم شوي وراده <-- كانت تبي تروح دورة المياه بس مستحيه تقول

 

طمبحله: على وين خلج يالسه

 

لمبرقعه: اوهواااا بس دقايق وراده لك وقامت وحملت شنطتها وراحت على دورة المياه

 

 

طمبحله يلس يناظرها وين رايحه ويوم اختفت يلس يطالع يمينه ويساره وما انتبه الا انها نست موبايلها فوق الكرسي وقام يطالع يمين ويسار يمكن يشوفها ويقول لها مافي فايده ماشافها..

 

وسوس له الشيطان واخذ موبايلها ودق على موبايله حتى يعرف رقمها وعلى طول مسح رقمه من موبايلها حتى لاتشك اذا شافت الرقم ورد الموبايل مكانه وقام ينتظر لمبرقعه

 

 

وماسمع الا صوت لمبرقعه وهيا تقول له هلا تاخرت عليك

 

طمبحله: وين رحتي صيفتي ماخليت حلم الا وحلمت فيه..

 

لمبرقعه: اكيد خفت اني مارد صح

 

طمبحله: (وبكل ثقه) انا كنت متاكد مليون بلميه انج راح تردين

 

لمبرقعه: ليش هالثقه من جمالك يعني

 

طمبحله: لا لانج نسيتي موبايلج يا عيني

 

لمبرقعه: يوووه صج وعساك مايلست تشوف الصور الي فيه

 

طمبحله: حسافه لو ادري ان فيه صور لج رحت شفت جمالج..اكيد انتي جميله صح

 

لمبرقعه: أي حلوه وايد امي دووم تقول لي اشبه (ديانا كرزون)

 

طمبحله: هههههههههههههه..لانج دبه

 

لمبرقعه: دبه بس حلوه

 

طمبحله:متأكده..زين رفعي البرقع خلنا نشوف جمالج

 

لمبرقعه: استح على ويهك..لا اطقك بنعالي الجديد

 

طمبحله: تبي تعلمني انها لابسه نعال جديد..أكيد من رامز بدينار

 

لمبرقعه: رامز بعينك..شاريته بي 40 دينار

 

طمبحله:متأكده 40 دينار اخاف هذي مقاس رجلك

 

لمبرقعه: لا مقاس خشمك

 

طمبحله: أحسن من خشمك الي كانه داعسته سياره

 

لمبرقعه: تقصد خشمك انت

 

طمبحله: انزين الحين بتحرميني من شوفت ويهج انا بكره راح ارد الديره وابي اشوف ويهج قبل ما اسافر

 

لمبرقعه: صج بكره بترد الديره.. تصدق اذا اكلمك احس نفسي اعرفك من زمان .. بس ماتدري يمكن الدنيا تخلينى نشوف بعض مره ثانيه

 

طمبحله: لا انا متأكد بسمع صوتج

 

لمبرقعه: ليش كل هذي الثقه

 

طمبحله: شعوري عمره مايخطئ وبينا الزمن ونشوف انا صاج او لا

 

لمبرقعه: نشوف.. على العموم انا قايمه الحين لانه راح ياذن المغرب

 

طمبحله: وين للحين باقي على الاذان او انتي اليوم راح تأذنين بالمسيد هاهاهاهاها

 

لمبرقعه: يا ثقلك..بس اذا قمت الحين بوصل البيت وهوا مأذن حتى ابي اصلي الصلاة بوقتها

 

طمبحله: بل..بل البنت مطوعه

 

لمبرقعه: مطوعه اكون ولا مثلك يمكن ولا عمرك صليت

 

طمبحله: ايه اشدراج خخخخخخخخ تصدقين شكلي نسيت الصلاة لاني من زمان ماصليت...أتغشمر معاج

 

لمبرقعه: خلك مع ثقالت دمك وانا قايمه

 

طمبحله: انزين انا بكره بسافر المغرب عزميني على الغدا في أي مطعم

 

لمبرقعه: أحلم

 

طمبحله: بل حزره

 

لمبرقعه: لو عزمتك اشلون باكل وانا لابسه البرقع ولاتقول لي ارفعيه واكلي مستحيل..

 

طمبحله: انزين عطيني لفلوس وانا بروح اتغدا بروحي هههههههه

 

لمبرقعه: لا يعني انت تروح تاكل وانا ايلس بجوعي

 

طمبحله: انتي كفايه امتون خلاص انا اكل عنج...

 

لمبرقعه: صج ماتنعطى ويه اقوم عنك ابرك لي.. يالله مع السلامه وسامحني اذا غلط عليك يمكن تموت باجر وانت راد ديرتك خخخخخخخخخخخخخخخخ

 

طمبحله: تموتي انتي قصدي عنزتكم..مع السلامه

 

لمبرقعه: مع السلامه

 

  

لمبرقعه طول الطريج تفكر وتقول لنفسها غريب طمبحله شكله من الشباب الطايش لا طلب رقمي ولا حتى اميلي..وهوا بكره مسافر حسافه ماراح اشوفه مره ثانيه ..كان حباب

 

 

وكان طمبحله في نفس الوقت يقول الى نفسه الله يحبني حصلت رقمها بدون ما اطلب منها وتمرر عيشتي

 

 

والتكمله بالايام اليايه لان تعبت وانا اكتب النهايه ابي اخليها نهايه حلوه حتى يستانسون مو قادره ههههههههههه